مالناش غيرك يارب .. ثقتنا فيك وحدك

مالناش غيرك يارب .. ثقتنا فيك وحدك

نعم مالناش غيرك يارب ..

ثقتنا فيك وحدك لأنك صادق ولاتغير وعودك ولاكلامك

قلبى يحترق ونفسى حزينة جدا حتى الموت

ولكن بداية اسجل هنا

مشهدا لن يمحوه الزمن من مخيلتى مابقى لى من عمر

وانا انسحب من ساحة ماسبيروا باكيا محطم النفس كسير النفس والقلب

مشهد شبابنا وأبطالنا شباب ماسبيروا

اللذين رفضوا فض الاعتصام وحاولوا بكل قدرتهم ووسط توسلاتهم ودموعهم وآهاتهم
ان يبقى هذا الجمع القليل وبنوا المنصة من جديد ووقفوا يهتفون
مش هنمشى ..معتصمين معتصمين ..من ماسبيروا مش ماشيين
استشهاد استشهاد ..احنا فى عصر الاستشهاد
بينما عربات الامن المركزى تتجمع وتحاصر المكان
هؤلاء الأبطال
جاؤوا الى هنا
مستعدين للموت دفاعا عن كنيستهم وايمانهم
وبكل اسف وياللعار
خذلنا اباؤنا المسئولين عن الاعتصام
وأقول وبكل الحزن والأسف
باعوا القضية
ونسوا ما قالوه لنا فى اول ساعة فى الاعتصام
جئنا هنا لناخذ حقوقنا كاملة ومش هنمشى
حقوقنا او نموت هنا

اختذلوا القضية فى الافراج عن خمسة من شباب الاتحاد

أعلم جيدا كم الضغوط التى مورست على ابونا متياس وابونا فلوباتير
سواء من الكنيسة او من رجال الدولة

لكننا كنا رجال ووقفنا وصمدنا 13 يوم
وكنا مستعدين نقف 130يوم
بس ماكنتوش بعتونا
وتفضوا الاعتصام

ليه نفض الاعتصام
ايه المكاسب اللى حققناها
اخدوا مننا خمسة كمان
وباتهامات باطلة كاذبة

يبقى ليه نفض الاعتصام
اعتقال تونى وزوملاؤه امام كنيسة العذراء
ادعى بمواصلة وتكثيف الاعتصام
وفضح الممارسات الارهابية ضد الكنيسة واولادها
وسياسة الموازانات
أدعى بمواصلة وتكثيف الاعتصام

خذلتونا وخسرتوا مصداقيتكم امام الشباب

ياكنيسة ياقيادة ..احنا مستعدين للشهادة
يوم السبت وقف شبابنا يدافع عن مكانه ابطال اسود
وحموا خواتهم البنات
وامبارح لما عرفوا ان يد الغدر ممكن تطالهم
طلبوا كل البنات تروّح
ومشيت البنات وهى منهارة

عرفت يابونا متياس عملتوا فينا ايه
كسرتوا نفسنا وحطمتوا قوتنا

انت قلت احنا جايين هنا ياناخد حقوقنا يانموت
لاخدنا حقوقنا ولا موتنا

يبقى ايه كان لازمته
فى الوقت اللى العالم كله بدا تنظيم اعتصامات واحتجاجات
تؤيد قضيتنا العادلة
احنا نفض الاعتصام
وفى هذا التوقيت
وبكل هذه الخسائر

المكاسب التى اعلنها المستشار ايهاب رمزى امس
ليست مكاسب
بل حق لنا وكان مغتصب
الافراج عن اولادنا المعتقلين من الاعتصام الأول كان ظلم وافترى
فتح اربع كنائس من 48 كنيسة
دا حقنا ان كنايسنا تتفتح
مش هدية ولا منحة ولاهبة من حد

شكرا ياقادة الاعتصام
شكرا يااباؤنا
كنتم سبب عثرة لينا

لذلك
لينا رب يدافع عننا
مالناش غيره
هو ملجاؤنا

تحية من قلب موجوع الى كل ابطال ماسبيروا
وكما قال مايكل جريس
فى صرخته على صفحة الاتحاد
انا راجع تان
راجعين يامايكل ..راجعين كلنا
ياناخد حقوقنا يانموت
ياناخد حقوقنا يانموت

» يارب مالناش غيرك موعدنا ..4/10/2011
» يارب انا خايف يارب
» عاجل جدا تم نقل قداسه البابا شنوده الثالث لمستشفى السلام
» يارب .. اتقدموا خطوة لقدام وادوا الكمونى اعدام
» عاجل متهمين الطالبيه يوجهون ابيل من التهم الخياليه ارحمنا يارب