عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: حكاية أجمل بنت فى مصر ..فيفيان مجدى الأحد يوليو 22, 2012 3:57 am
حكاية أجمل بنت فى مصر ..
فيفيان مجدى
وقائع ذكرى خطوبة الشهيد مايكل مسعد وفيفيان مجدى 18 يوليو 2012
فيفيان مجدى
بنت مصرية زى اى بنت مصرية
شعرها اسود لون الأرض الطيبة
اللى خارجة من جذورها
قمحاوية البشرة
بالبلدى كدا مصرية ماصلة
مصرية بنت مصرى
وجدود جدودها مصاروة
لاهى بيضة ملوثة بدم فرنسى ولا خمرية ملوثة بدم انجليزى ولا حتى دم عربى
بنت مصرية اصلية الصنع
زى كل بنت مصرية
شابة
بتحلم وتتمنى وتتخيل
الفارس اللى جاى على حصان ابيض
يخطف عروسة البحور على الحصان المسحور
ويطير بيها فى ارض تانية
ويعيشوا فى تبات ونبات
ويخلفوا صبيان وبنات
الغريب
ان البنت دى بالذات
قابلت الفارس
طارت من الفرحة
عاشوا اجمل قصة حب
فرحانة طايرة من السعادة
تحبه ايوى
تغيير عليه أكيد
تنكد عليه شوية وارد
تكلمه فى اليوم عشرين مرة ممكن
وكان يوم خطوبتهم
اسعد يوم فى حياتها
وبدات تفكر
فى عش الزوجية
احلام بنت هتترجم واقع
رسمت ملامح بيتها
احلامها
مستقبلها
الحبيبين تقريبا مابيفرقوش بعض
وفى يوم
سمعوا عن كنيسة
اتهدت اتحرقت اتسرقت
وقرر الأقباط مسيرة
من شبرا لماسبيروا
وقرر الحبيبين يشاركوا فى المسيرة
مايكل طول الطريق يقول للناس
دى فيفيان حبيبتى خطيبتى شريكتى صديقتى دنيتى
ويروح يملى ازايز المايه للناس تشرب
ويلم الفاضية ويجرى على اول كولدير يقابله
وفيفيان فرحانة
حبيبها بيتحرك فى كل اتجاه
وقربنا على ماسبيروا
جنب الفندق
وبدأنا نرنم
كرياليسون يارب ارحم
ودخلنا شارع ماسبيروا
ووصل الحبيبين امام صادكو
وفجاة سمعنا صوت ضرب النار اشتغل
والعساكر هاجمت المسيرة السلمية
جرى مايكل ماسك ايد فيفيان
جرى علشان يحميها ويبعدها عن الضرب
وقبل مايوصل جنب العربيات
دفع فيفيان بايده
فيفيان بتبص على مايكل
مايكل مش موجود
ايده سابت من ايدها
فيفيان شافت مايكل تحت المدرعة
صرخت صوتت
بس مين يسمع مين يحوش
مين يبعد الوحوش
جم زى الكلاب عليها
قالت الحقونا
دا مات
قالها الظابط الكبير
ايه جابك هنا ياكافرة
ضربها وضرب مايكل
مات مايكل مات مايكل مات مايكل
ومات معاه 27 شهيد
فيفيان فضلت ماسكة ايد مايكل فاكراه هيكلمها تان
هتسمع صوته تان
ياااااااااااااااااااااااااااه
دا صار حلم من الامانى
مستحيل الايام ترجع تان
القاتل الجبان قال فى الاعلام انه انضرب من الشبان
ياعم دا احنا دعاة سلام
وجايين رافعين صلبان
فاكرين جايين فى مكان امان
منعرفش انكم غدارين بطبعكم
وضاعت امانى البنت المصرية
فى جريمة يندى لها جبين البشرية
وبعد الاحلام الوردية
بقيت حزينة مهمومة
لكنها عارفة ان حبيبها
ساكن فى الأبدية
عند يسوع
اعطاه اكاليل سماوية
والبنت دى
النهاردة ذكرى يوم خطوبتها
تفتكروا ايه احساسها جاية تزور حبيبها
كل اللى عملته
قعدت على الأرض
قدام المزار
وجنبها صورته حضناها بايدها
وقدامها اسمه
صمت لف المكان
حطت راسها بين ايديها
ليها رب حاسس بيها
واحنا واقفين حواليها
ضاعت كل الكلمات نسينا كل الصلوات
قدامنا بنت بتتحرق فى صمت
بتموت فى صمت
ولا حد حاسس بيها
ولااحلامها ولاامانيها
اللى ضاعت فى ثوان
والقاتل حر ولا بيعانى
والبنت المصرية
بتبكى حبيبها
ومصر بتبكى ولادها
وراحيل تبكى ولا احد يعزيها
دى حكاية اجمل بنت فى مصر
عدل سابقا من قبل Admin في الثلاثاء يوليو 24, 2012 7:58 am عدل 1 مرات
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 5:09 am
بناء على دعوة نشرتها فيفيان
على صفحتها بموقع التواصل الاجتماعى فيسبوك
دعوة لرثاء حبيب ووطن وحلم
قررنا نحن مجموعة صغيرة جدا من المقربين من فيفيان
ان نشاركها احتفالها فى هذا اليوم
وفيفيان لم تتصل باحد بل كل من ذهب ذهب لمحبته لفيفيان ومايكل
والتقينا فى العاشرة والنصف صباحا امام مجمع التحرير
وانطلقنا الى كاتدرائية العذراء ب 6 اكتوبر
حيث مزار شهداء ماسبيروا وامبابة
ومان وصلنا الى هناك
فتح لنا باب المزار
حيث ان فيفيان معروفة جيدا هناك
ودخلنا المزار
ووقفنا جميعا امام المزار
تتقدمنا فيفيان
التى لامست بيدها اللوحة الرخامية المدون عليها اسم الشهيد مايكل مسعد خطيبها
وكانها تصافحة او تسلم عليه
ووقفت قليلا
ثم جلست على الأرض امام المزار
ووضعت راسها بين يديها
وبجوارها صديقتها وصديقة مايكل
شهدان
جلست بجوارها على الأرض
تمسح بعض الاتربة من على صورة مايكل
فيفيان رفعت راسها
ودموع تابى ان تغادر عينيها
تبكى فى صمت
ثم نظرى الىّ وقالت
الحلو المكان ياعمو مجدى
اقول وبكل الصدق
ضاعت منى كل الكلمات واحسست اننا اصفار لاقيمة لنا بجوارها فحينما تكون عاجزا عن فعل شىء يتملكك الاحباط والياس
نظرت اليها والكلمات لاتطاوعنى وقلت
هو فى مكان احسن دلوقتى يافيفيان
قامت فيفيان
ووقفنا لنصلى الصلاة الربانية
وطلبت شهدان من فيفيان ان أعيد الصلاة مرة اخرى
لتتمكن من الصلاه معنا
وفعلا اعدت الصلاة الربانية مرة اخرى وتلوناها ببطىء
وشهدان تصلى معنا
شهدان صديقة فيفيان مسلمة محجبة
لكنها صورة مشرفة للأنسانة المؤمنة بربها صورة حضارية لنسيج الشعب المصرى مسلميه واقباطه صورة للأصالة المصرية فى أروع صورها
وخرجنا من المزار
ولم تنسى فيفيان اغلاق باب المزار وتاكيد غلقه
وانطلقنا فى طريق العودة الى القاهرة
سألت فيفيان ونحن فى طريق العودة
فوفا لبسك ده النهاردة عادى ولا له مغزى
قالت لاياعمو مجدى له مغزى طبعا انا مبعملش حاجة كدا من غير سبب
كانت فيفيان ترتدى ملابس بيضاء اسفلها تى شيرت اسود
وتواعدنا على اللقاء مساء فى ماسبيروا
كانت فيفيان مجهدة جدا
لأنها لم تنم طوال الليلة الماضية
وعبثا حاولت اقناعها بتناول اى شىء او حتى مشروب
وقبل ان انصرف
قالت لى
متجيش بعد الظهر ياعمو انت تعبت كتير
قلت جاى مبنفعش مجيش
وفى المساء فى تمام السابعة والنصف
التقينا عند فندق رمسيس هيلتون
وتوجهنا جميعا وعنا بعض اعضاء حركة مينا دانيال
واخته الأنسة شيرى دانيال
وكانت فيفيفن قررت
ان تروى للجميع
قصة استشهاد مايكل
ووصلنا الى نفس مكان استشهاد مايكل
وتوقفت فيفيان
وتوقفنا جميعنا
وبدات فيفيان تروى القصة
كما سوف تشاهدون حضراتكم فى الفيديو
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 5:16 am
ماذا كتبت فيفيان على صفحة الشهيد مايكل مسعد
يوم 18/ 7 / 2012
مبروك يامايكل ..
عقبال كل سنة يا حبي .. معلش قصرت معاك بس أنت عارف اكيد اللي بيحصل .. و شايف و عالم ..موش هبخل عليك بكلامي ... بس ألف مبروك .. ويارب تفضل تفرحني علي طول ...و تثبتلي أنك موجود ...
فيفيان مجدي 18 يوليو، الساعة 12:28 صباحاً
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 5:37 am
ماذا كتبت شهدان صديقة مايكل وفيفيان لى صفحة الشهيد مايكل مسعد يوم 18/ 7 / 2012
متزعلش منى يامايكل انا قدرت نفسيا اجيلك وازورك وهزورك تانى انما مكان الحادثة ...... مش قادرة خالص يامايكل انا اسفة انا حاولت اقنع فيفيان متروحش هى كمان بس هى عندت انما انا والله ما قادرة خالص انا كرهت الارض الملعونة دى وكرهت مبنى ماسبيرو كله
18 يوليو، الساعة 10:30 مساءً
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 5:48 am
صور من اجمل قصة حب
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 6:05 am
صور لحظات حب مايكل وفيفيان
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 6:27 am
صور الام فيفيان واستشهاد مايكل
لماذا تلك العينين حزينه ..
الي متي تبقي في كنف الحزن رهينة ...
متي تنظر الي فوق حيث العصافير الجميله ..
حيث يوجد اله يري ويسمع كل انينه ..
ارفعي راسك الان فخسارة معركة ليست بهزيمه ..
الحياة امامك طويلة ..
مليئة بالتحديات العصيبه ..
ولكن هيهات ارفعي عينكي الجميله فهناك اله يشعر بكل انينه ....
- by .. EMAD AWNY
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 6:40 am
مشهد استشهاد مايكل
من مسرحية
سماسرة الموت
تؤديه
فيفيان مجدى
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 6:56 am
احتفال عيد ميلاد مايكل ال 29
واول عيد ميلاد بعد استشهاده
فيفيان ومامته تحتفلان بيه مع مايكل
16 / 3 / 2012
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الأحد يوليو 22, 2012 7:09 am
18 يوليو 2012
يوم رثاء
حبيب ووطن وحلم
كما جسدته
فيفيان مجدى
فى ماسبيروا
فى ذكرى يوم خطوبتها على مايكل
بتحكى الحكاية
فى نفس موقع الجريمة
صرخة قلب بنت محروق
خارجة من بين الضلوع
فين الضمير
فين الضمير
فين الضمير
صرخة الى ضمير العالم
ملعون ابوك ياسكوت
اجمل بنت فى مصر
فيفيان مجدى
فى ماسبيروا ونفس مكان استشهاد مايكل
بتحكى الحكاية
صورة من وقفتنا فى ماسبيروا مكان استشهاد مايكل مسعد يوم 18 يوليو 2012
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: حكاية أجمل بنت فى مصر ..فيفيان مجدى الثلاثاء يوليو 24, 2012 7:26 am
فيديو اجمل بنت فى مصر
انتظرونا الجزء الثانى
من
حكاية اجمل بنت فى مصر
صور وفيديوهات ومواقف
تنشر لأول مرة
مسعد خليل
عدد المساهمات : 6 نقاط : 6 تاريخ التسجيل : 17/03/2011 العمر : 64
موضوع: رد: حكاية أجمل بنت فى مصر ..فيفيان مجدى الأربعاء يوليو 25, 2012 7:20 am
قصة رائعة وقصة وفاء وعطاء وحزن والم قلبى معاها ومع كل محبين الشهيد وانا ارسل لها الف تحية وتقدير لوفائها الرائع والجميل وشكراااااااااااااااا للموضوع المتكامل الرائع ولتعيك الجميل
موضوع: حكاية أجمل بنت فى مصر ..فيفيان مجدى 
الأحد يوليو 22, 2012 3:57 am
