عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: موسوعة .. مجزرة ماسبيروا للأقباط 9 أكتوبر 2011 الأحد أغسطس 19, 2012 2:51 am
تذكير بمساهمة فاتح الموضوع :
موسوعة ..
مجزرة ماسبيروا للأقباط 9 أكتوبر 2011
عدل سابقا من قبل Admin في الأحد أكتوبر 06, 2013 7:40 am عدل 2 مرات
كاتب الموضوع
رسالة
Admin المدير العام
عدد المساهمات : 6518 تاريخ التسجيل : 16/11/2010
موضوع: رد: موسوعة .. مجزرة ماسبيروا للأقباط 9 أكتوبر 2011 الثلاثاء سبتمبر 25, 2012 4:06 am
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الثلاثاء سبتمبر 25, 2012 4:27 am
معجزات فى ماسبيروا
يرويها مصابى ماسبيروا
(( المعجزة الأولى ))
نقلا عن أحد مصابى ماسبيرو فى المستشفى القبطى
ويدعى "ناجى نبيل كمال " الذى أكد لنا على ظهور القديس العظيم أبانوب " كانت المدرعه سوف تقوم بدهس بنات مسيحيات
ولكن فجاه ظهر طفل صغير جسمه نوراااانى للغايه وقف أمام الدبابة فتوقفت فى الحال
واختفى هذا الطفل " وهذه الصورة تم اخذها منها كدليل
(( المعجزة الثانية ))
هذا المصاب تم ضربه من قبل البلطجية بالسنج والمطاوى ومن قبل الامن بالعصى
حتى فقد الوعى تماما
ولم تأت عربة الاسعاف لتنقله الى المستشفى
يقول لنا انه افاق من وعيه ليجد نفسه
على حصان يركبه فارس بملابس جنديه قديمة ونقله الى المستشفى وهو القديس العظيم مارجرجس
هذا الكلام ليس منقولا عن اى مواقع
وانما أجرينا بالامس حديثا مع المصابين
انا وزملائى عن احداث ماسبيرو
على مسئوليتى الشخصية
الأخت تريزا وليم
معجزة للشهيد مايكل مسعد ..
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الثلاثاء سبتمبر 25, 2012 4:45 am
فيدو ظهور الشهيد ابانوب النهيسى
فى ماسبيروا
بعدما اوقف المدرعة التى كادت تدهس البنات
سائرا بزيه المميز وسط المتظاهرين
شاهد الطفل الي لابس ابيض على الشمال هو وماشي
شهدت بعض المتظاهرات ان المدرعة كانت فى اتجاهم
حين ظهر الشهيد ابانوب واوقفها حتى يستطيعوا الهرب
- فى اليوم دة ولا بنت استشهدت كلهم كانوا من الشباب
فى اليوم دة اللى استشهد اتقطع واتعرى
ربنا حب يستر بناته
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الثلاثاء سبتمبر 25, 2012 5:23 am
هام جدا
يتسائل البعض عن الفيديو الذى تم اخذ هذه الصورة منه
وهو الفيديو الذى ظهر فيه الشهيد ابانوب وهو يوقف المدرعة
التى كانت متجهة نحو البنات والسيدات
ويقف حائلا بينها وبن البنات
وانقذ بناتنا من مذبحة لهن
ولكن تم حذف الفيديو بعد ذلك
مع كثير من فيديوهات مجزرة ماسبيروا
وبقيت الصورة فقط
والرواية على لسان من عاصروها
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الثلاثاء سبتمبر 25, 2012 5:45 am
شهداؤنا وجرحانا فى المستشفى القبطى
شهداء ماسبيروا فى المستشفى القبطى
البلطجية يهاجمون المستشفى القبطى
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الثلاثاء سبتمبر 25, 2012 5:57 am
المستشفى القبطى
صباح يوم الاتنين 10/10/2011
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الثلاثاء سبتمبر 25, 2012 6:08 am
بيان المجمع المقدس
حول مجزرة ماسبيروا
10/10/2011
البيان الرسمى للمجمع المقدس
بيان المجمع المقدس يلقيه نيافة الانبا يؤانس على الحاضرين بالكاتدرائية
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 1:24 am
كان هناك شهداء سافروا السما فور وصولهم الى ماسبيروا
وكان هناك مصابين أيضا البعض ذهب الى المستشفيات والبعض الاخر آثر السلامة وعاد الى بيته مكسورا حزينا مهموما
وكان هناك أيضا
اغلى الناس
أبطال الايمان
شباب طاهر غض برىء
خرج من بيته يدافع عن ايمانه وحقه وحق كنيسته
فكان نصيبة الاعتقال فى ساحة ماسبيروا
نعم كان لدينا شهداء ومصابين
وكان ايضا خيرة شبابنا
معتقلى ماسبيروا
تعالوا نعرف قصص
ابطال الايمان
معتقلى ماسبيروا القائمة الكاملة لأسماء المعتقلين في أحداث
مجزرة ماسبيرو 9-10-2011
و الإتهامات الموجهة لهم..
نشر مركز النديم لتأهيل ضحايا العنف على صفحته على مواقع التواصل الاجتماعى فيس بوك أسماء 17 من الشباب الذين تم التحقيق معهم فى النيابة العسكرية على خلفيه أحداث ماسبيرو.
وبحسب المركز فإن المعتقلين هم:
هانى كامل محمود
وفادى بكش روفائيل
وهيثم ميلاد عبده
وأنور ريمون أنور
وأمثل محمود عبد الفتاح
وعيد مكرم زاخر
وممدوح عياد نعمان
وأمين دانيال جاب الله
وحنا لطيف فهيم
وعصام ربيه رائد خليل
وبنيامين رأفت فرج
وجرجس سعيد السيد
وميلاد صادق فيهم
وجورج صفوت جرجس
وعصام رسمى عطية
وعاطف محمد محمد
وإسحاق إبراهيم.
وكانت النيابة العسكرية قد أمرت أمس بحبس 20 من معتقلي أحداث ماسبيرو 15 يوما على ذمة التحقيقات معهم بتهمة الاعتداء على القوات المسلحة ومحاولة اقتحام التيلفزيون وتخريب ممتلكات عامة, وترويع المواطنين.
جدير بالذكر أن غالبية المتهمين الذين تم القبض عليهم
كانوا متواجدين فى أماكن الحادث إما للمساعدة فى انتشال الجثث او مساعدة المصابين.
أمرت النيابة العسكرية مساء اليوم بحبس 20 من معتقلي أحداث ماسبيرو 15 يوما على ذمة التحقيقات في الأحداث التي أسفرت عن مقتل 24 وإصابة أكثر من 300 بحسب ما أكدت نبيلة أحمد المحامية بمركز المصرى للحقوق الاقتصادية والاجتماعية.
وقالت نبيلة "إن النيابة وجهت للمحتجزين تهم الاعتداء على القوات المسلحة ومحاولة اقتحام التليفزيون, والاعتداء على المنشآت العامة وترويع المواطنين.
وأضافت نبيلة ان غالبية المتهمين الذين تم القبض عليهم
كانوا متواجدين فى أماكن الحادث إما للمساعدة فى انتشال الجثث او مساعدة المصابين.
وقالت المحامية
إن بعض المواطنين اعتدوا على المتهمين مما تسبب في إحداث اصابات بهم مشيرة إلى أنهم عرضوا على المستشفى العسكري لتسجيل الإصابات وعمل تقرير بها.
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 1:38 am
ماذا حدث مع اسرانا فى ماسبيروا
بدون تعليق
ربنا موجود
فيديو .. مينا طلعت
من المستشفى للسجن ولم يكتمل علاجه بعد..
مينا طلعت نصحي أصيب خلال أحداث ماسبيرو يوم 9 أكتوبر 2011
بكسر في الفك ونقل الى المستشفى حيث أجريت له جراحة لتثبيت الفك
وكان يتغذى عن طريق المحاليل نظرا لعدم استطاعته المضغ.
ظل مينا في المستشفى حتى يوم 25 10
حيث تم نقله من المستشفى الى النيابة العسكرية للتحقيق معه
وبدلا من إعادته الى المستشفى لاستكمال العلاج نقل الى سجن الاستئناف
ولازال فكه مثبتا بأسلاك من الداخل ولازال غير قادر على المضغ
ويعيش على شرب العصائر دون محاليل.
بالفيديو شاهد ما الذى حدث مع مينا و والدته بجد لا تعليق
عدل سابقا من قبل Admin في الأربعاء سبتمبر 26, 2012 2:41 am عدل 1 مرات
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 2:24 am
فيديو يقطع القلب
وشاهد ماساه عائله قبطيه بسبب احداث ماسبيرو لا تعليق
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 2:51 am
قداسة البابا شنودة الثالث
يطالب المجلس العسكرى بالافراج عن معتقلى ماسبيروا
16/10/2011
طالب البابا شنودة الثالث بابا الإسكندرية وبطريرك الكرازة المرقسية المجلس العسكري بالإفراج عن معتقلي أحداث ماسبيرو التي وقعت الأحد الماضي ،
ونقل البابا الطلب لدى اجتماعه ظهر اليوم مع اثنين من أعضاء المجلس الأعلى للقوات المسلحة هما اللواءين سامي دياب ومحمد مصيلحي.
وكان اجتماع البابا شنوده مع دياب ومصيلحي الذين زارا الكاتدرائية قد استغرق أقل من ساعة وحضره ثلاثة من قيادات الكنيسة بينهما الأنبا يؤانس سكرتير البابا والأنبا موسى أسقف الشباب ، وتمت فيه مناقشة قانون دور العبادة الموحد ونتائج الأحداث الأخيرة المؤسفة.
ونقل عضوا المجلس العسكري للقيادة الكنسية الأسف على ماجرى والتعازي لأسر الضحايا ، مؤكدين أن قيادة القوات المسلحة تمثل مصر كلها ولا تفرق بين مسلمين وأقباط، كما أشارا إلى أن هناك أيد خفية تحاول الوقيعة بين الجيش والشعب من جهة وبين المسلمين والأقباط من جهة أخرى .
ووعد دياب ومصيلحي بنقل ماجرى خلال اللقاء للمشير محمد حسين طنطاوي رئيس المجلس الأعلى للقوات المسلحة.
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 3:11 am
الأفراج عن معتقلى ماسبيروا
اجمل فيديو
الألم والدموع والفرحة
قبل وبعد قرار الافراج عن معتقلى ماسبيروا
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 3:39 am
مشاهد لم تذاع من قبل
من المجزرة ليلة الأحد الأسود
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 4:33 am
الاعلام الكاذب الضال والمضل
والتحريض ضد الاقباط
وادعاء اعتداء الاقباط على الجيش
وشهداء ومصابون من الجيش
رشا مجدى تحرض ضد الأقباط من التلفزيون الرسمى للدولة
لجريمة موثقة بالفيديو ضابط يطلق النار على المتظاهرين من المدرعة
النصاري الاقباط الهمج الرعاع يواصلون حرق وقتل قوات من الجيش المصري والياته تغطية مستمرة
شاهدة عيان : الاقباط " سحلوا " الجندي بالصلبان
كمان الاقباط سرقوا المدرعة
وردا على كل ذلك
نترك الرد
للأستاذة فريدة النقاش
الكاتبة والصحفية ورئيسة تحرير جريدة الأهالى
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 4:49 am
تحية الى هذا الأخ السلفى
الذى اعلن الحقيقة بكل وضوح
الأقباط ابرياء من احداث ماسبيروا
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 4:57 am
الافتراء على الاقباط الكذب المفضوح
والرد عليها
مدرعات من هذه
ومن قتل الأقباط
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 5:04 am
القمص فليمون خليفة
بروح المحبة والتعليم المسيحية
ينقذ جندي سائق المدرعة التى دهست الاقباط
فى مذبحة ماسبيرو من الموت
القس فليمون خليفة
(كاهن كنيسة القديس العظيم الأنبا أنطونيوس بحوش عيسى البحيرة)
يروى كيف نفذ تعاليم السيد المسيح
"أحبوا أعداءكم"
و أنقذ الجندى الذى دهس ما يزيد عن 7 مسيحيين
بدبابته قبل أن تنقلب به
هذا هو التطبيق العملى لذلك التعليم الإلهى
الذى يسمو بالانسان فوق الأرضيات و يصل به إلى السمائيات
أنا فخور بمسيحيتى الرائعة و مسيحى القدوس
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الأربعاء سبتمبر 26, 2012 5:42 am
شهادات مسلمين أفاضل
على احداث ماسبيروا
الجيش يلقى ب 4 جثث امام ماسبيروا فى النيل
شهادة محمد الزيات
أولاً يجب أن أقدم التعاذى إلى أهالى الشهداء وأنعى جميع شهدائنا المصريين وأحتسبهم عند الله من الشهداء . ثانياً دى شهادة مش تحليل يعنى أنا بقول اللي شفته فقط بدون أى تحليلات أو إيمائات
. الشهادة:
يوم المسيرة كنت فى الشغل ومتابع المسيرة على تويتر من أول تحركها من شبرا. عند نفق شبرا طلع عليهم بلطجية بس ربنا سترها معاهم وكملوا وكل ده انا لسه بتابع على تويتر وقالوا إنهم عدوا على الأهرام فى شارع الجلاء وكل الناس بتتجمع معاهم. قلت انا عيب عليا لازم اشارك فى هذه المسيرة هنزل اقابلهم فى عبد المنعم رياض…يعنى عيب أبقى متضامن مع قضيتهم وعمال أصوت وانا قاعد عالكوميوتر بس…فضميرى قاللى ياواد روح حتى لو نص ساعة بس إثبات وجود وعلى الأقل أبقي متسق مع نفسي ومبادئى وكده…قمت نازل واخد تاكسي وسيبت العربية وحتى معيش محفظة لأنى مش نازل التحرير ولا نازل مظاهرة خطيرة…مظاهرة مسيحيين يعنى فمش واخد خوانه. المهم نزلت ووصلت عند هيلتون رمسيس ولقيت الأعداد كبيرة ووصلوا عند التليفزيون…وزى ماتوقعت مظاهرة مسيحيين بقى وناس مؤدبة زيادة وشايلين يفط وصلبان وشموع…أخدت شمعة و إتمشيت شوية وسط المظاهرة عشان اتفرج…المظاهرة كانت مليانة مسلمين وناس بدقون وبنات وستات محجبات…وصلت على الكورنيش عند بتاع النظارات اللى جنب راديوشاك ومرة واحدة واحد مسك إيدي اليمين…بصيت لقيت شاب مبتسم لى إبتسامة إحنا إيد واحدة فابتسمت ومشيت معاه…الواد ماشي وماسك إيدى كأننا بنعلن موقف يعنى ولا سألنى إنت مين ولا انا سألته…ولا سألنى إنت مسلم وللا مسيحي ولا انا سألته…وكان فيه قسيس فوق عربية كلها ساوندات كده عمال يقول كرياليسون واحنا بنردد وراه كيريايسون يارب ارحمنا. إذ فجأة سمعت طلقات نار كتيييييير وصوت ستات بتصوت وحصل هرج ومرج فى المكان…قام الواد شاددنى ناحية الرصيف لأن كل الناس كانت بتجرى فى هلع وانا مش فاهم فيه ايه ومرعوب لأن صوت طلقات الرصاص جاى من كل إتجاه…مره واحده لقيت رادي بتتشد لتحت ببص عالواد لقيت رجله تترنح وفيه رصاصة فى جنب راسة اليمين وتقريباً طلعت من الناحية التانية أو لأ معرفش…الواد يدأ يترنح ووقع متكعبل عالأرض وباصصلي فوق نظرة إذبهلال…نظرة عدم تصديق للى حصل…نظرة هو أنا بموت طب ليه وإزاى…نظرة عدم تصديق للموت نفسه…الأول كنت فاكره باصصلى لكن بعد ماراجعت الموقف إكتشفت إنه كان باصص فوق لربنا بس انا اللى كنت فى وشه…نظرته مفيهاش غضب ولازعل..فيها عدم تصديق فقط وذهول وإستفهام ونص إبتسامة….أقسم بالله انا معرفش الواد ده مسيحي وللا مسلم ومجتش فرصه أسألة مكنش لابس صليب ومخدتش بالى كان فيه صليب في ايده وللا لأ لأنى مكنتش مركز…كل ده وهو ماسك ايدي وبهدوء ساب ايدي ونزل كله عالارض عينة مفتوحة…انا من الخضة نزلت جنبة وقعدت أهز فيه واقول فوق..فوق..وكام واحد جم وبصولى وقالولي فوق ايه بس شيل معانا…شيلناه فوق الأرض وببص شمال ناحية التليفزيون لقيت الناس بتتبدر زى التمل وبيتفركشوا…ليه بقى عشان مدرعة كانت ماشية زى المجنونة ولا كأن اللى سايقها سكران وبيتطوح…المدرعة دى كانت متجهة ناحيتنا وش لدرجة إننا بعد مارفعنا الواد فوق الأرض كلنا وبدون تفكير سبناه يقع تانى وجرينا…شفتوا مهانة أكتر من كده؟!! عارفين يعنى إيه إحساس راجل لما يجري ويسيب واحد ميت أو مصاب؟ يحرى بحياته لأنه خايف على روحة..هى دى المهانة والرجالة سيتفهمون. جريت انا ناحية النيل وقنابل الغاز ملت الجو وانا بعيط مش عارف من الغاز وللا من الواد اللى مات وللا على نفسي وللا كله…وانا بتراجع وشفت بعينى كمية أشلاء سايباهم المدرعة وراها…أمعاء وأمخاخ ورجلين ونص بنى أدم…كل ده شفته…بس الأقذر بقى إنى شفت ناس بتجري ومن الهلع بتدوس على هذه الأشلاء…محدش بيفكر كله بيلحق نفسه..عارفين يعنى إيه جثة شهيد قدامك تفضل تهان ويتداس عليها وتلف وتتحرك لأن الناس بتجرى فوقها وبتمشي فوقها ومحدش بيفكر يبص تحت. فضلت أتراجع وانا مذهول وعند هيلتون رمسيس كان فيه سياح جوا الفندق بيتفرجوا…هؤلاء السياح دخلتلهم قنبلة غاز جوا الفندق ولا اقول انهم كانوا بره بيتفرجوا..لأ كانوا جوا ومره واحده الفندق جوا بقي شبورة بالكامل…الله اعلم حصلهم ايه دول فضلت أتراجع لحد مقر الحزب الزفت الوطنى وشفت ناس فوق كوبرى أكتوبر بيرموا طوب عالناس تحت والمنظر بدأ يبقى منطقة حرب وناس بتصوت وناس بتجرى راجعة جوا تانى ولمحت ناس بتجرى ورا المدرعة اللى كانت هتدوسنا من شوية وهى راجعة بعد ماخلصت لفتها. كنت انا بجرى الناحية التانية ورجعت عالشغل…أحب أقول إنى لو كنت اتقتلت يومها مكنش حد هيعرف ولا كنت هظهر لأنى نازل من غير بطاقة حتى…يعنى كنت هبقى شهيد من بتوع مقابر الصدقة اللى هما بيدفنوهم جماعة دول….سؤالى هو نفس سؤال الواد اللى مات اللى بقى أعز أصدقائى ومعرفش إسمه أصلاً…ليه ده حصل؟ اللى عنده رد يتفضل يفهمنى وشكراً إنتهت الشهادة
محمد الزيات
+++
شهادة أحمد مصطفى
في البداية : والله العظيم اللي انا هاقوله ده صحيح وشوفته بعنيا وربنا شاهد عليا
بدأت الحكاية وأنا راجع من الشبكة العربية كنت في مؤتمر صحفي عشان البحرين وانا في طريقي للجرنال قابلت زمايلي وقالوا ان فيه ضرب نار عند ماسبيرو وكانت الساعة تقريبا 7 فسبتهم يروحوا وبعدين مروة-زميلتي في الجرنال- قالتلي تعالي نروح معاهم قولتلها يلا وركبنا أتوبيس لحد المتحف المصري ونزلنا بعد ما شوفت وانا في الاتوبيس مدرعات رايحة ناحية ماسبيرو. وانا في الطريق أول حاجة شوفتها ست متعورة وماشية وصورتها ، وبعديها بشوية لقيت واحد مصاب وواخدينه علي عربية ربع نقل ف وأنا بصوره قالولي ان فيه واحد ميت معاهم عالربية وصورته برضه بس لسه هارفع الفيديو بتاعه، سبتهم ومشيت ناحية هيلتون رمسيس من ورا ولقيت ناس كتير وناس كتير جدا مصابين وبينزفوا دم من كل ناحية ، رحت ناحية هيلتون من ورا ولقيت الفندق مقفول وجواه مصابين وتقريبا كان فيه حد مغمي عليه أو ميت-الكلام ده شوفته من الإزاز-
وده الفيديو
بعديها قعدت اصور شوية في ناس مصابة لحد ما لقيت المتظاهرين ماسكين عميد شرطة تقريبا _انا مش عارف الرتبة بالظبط_ وطايحين فيه ضرب وناس خبوه جوه الفندق من بوابة جانبية
وده الفيديو باللي حصل
بعدين لقيت رصاص في حزام يعمله حوالي 2 متر وحاولت أجيب رصاصة منه ماعرفتش لحد ما لقيته انفرط عالأرض وجبت رصاصة تقريبا 5 سم طول الرصاص في الفيديو
_وبعدين وقفت شوية وقررت إني أروح عند ماسبيرو فقلت لزميلتي ماتتحركش من مكانها ورحت أنا لوحدي. قابلت نواره وانا في الطريق وقولتلها فيه ناس مصابة كتير وميته في المكان اللي انا كنت فيه وهي قالتلي ان مفيش حاجة هناك عن ماسبيرو عشان الشرطة كانت قافلة الطريق ، ولما رحت هناك لقيت مجموعة من الأقباط شايلين الصلبي وبقولوا صلوات وبصراحة كان منظر جميل جدا وصورته ودي صورته.
بعديها رجعت ناحية الفندق ولقيت وانا في الطريق ناس مصابة بتخرج من جراج في عمارة جنب هيلتون رمسيس وصورتهم كام صورة كده ، وفيه ناس كانوا متشالين علي موتوسيكل وناس في عربية جيب كانت مكسورة صاحبها تطوع انه يوصلهم المستشفي القبطي في رمسيس.. دخلت الجراج وصورت الناس وهي فيه وقالولي ان فيه ناس ميتة جوه فددخلت من دخل صغير كده لحد ما شوفت المنظر المرعب اللي انا شوفته وما قدرتش أمسك نفسي ولقيت دموعي بتنزل لوحدها ..
شفت 5 ميتين وممديين علي الأرض ، الإتنين اللي كانت اصابتهم باينة كان واحد رقبته مقطوعة وواحد راسة مبططة من أثر حاجة داست عليه.
بعدين رجعت تاني عند الفندق من ورا وقررت إني أروح قدام ماسبيرو ، ولما طلعت علي الكوبري لقيت قنابل مسيلة للدموع والأمن المركزي بيضرب نار ومش عارف بقي رصاص حي ولا فشنك
بس وكانت في جيبي الرصاصة اللي اخدتها من عند الفندق وكانت رصاص حي ، وفضلت اطع الكوبري واصور لحد ما الأمن ضرب قنبل جنبنا وانا فضلت واقف وكنت لوحدي والناس بعيدة عني مسافة 20 متر كده وفي لحظة لقيت نفسي شميت كمية كبيرة جدا من الغاز ، ف كتمت نَفَسي وجريت لتحت الكوبري من غير ما أشوف أي حاجة لأن عنيا كانت مليانة دموع ومناخيري سايبة وبيحرقوني ولما وصلت لتحت الكوبري قعدت شوية لحد ما فقت بس للأمانة انا شوفت مولوتوف بيتحدف علي الأمن المركزي كانت قنلة واحدة بس اللي شوفتها وشوفت قدام شوية عند ماسبيرو تقريبا كاوتش مولع وكمية أمن وجيش غير عادية وبعدين قابلت مروة ومشينا للجرنال وكتبت الخبر ونزلت الفيديو المهم والصور اللي موجوده في الجرنال كلها..وقعدت شوية لحد ما خلصت في الجرنال ورجعت تاني انا وزميلي في الجرنال .. نزلت التحرير لقيت الجيش منتشر وقافل كل مداخل الميدان بس كان بيسيب الناس تعدي ولقيتهم مسكوا واحد ضربوه وأخدوا منه الميموري عشان كان بيصور وحذروا من اللي يصور انه هايترفع.. مشيت شوية عند الصينية لقيت ناس قاعدة وكل اللي كان بيشكك في اللي ماتوا كنت بوريله الفيديو اللي معايا كان بيكتم علي طول. الشرطة العسطري جريت ورانا ورجعت تاني . وجريت ورانا تاني ورجعت لحد ما سمعت هتافات مش عارف هي إيه بالظبط .. روحت ناحية الهتافات دي لقيت الجيش قافل عليهم وسمعتهم بيقولوا : الجيش والشعب إيد واحدة ، يا مسيحي انت فين الإسلام أهو ، وكمان هتفوا إسلامية إسلامية. عملت نفسي معاهم لحد ما اشوف ايه الحوار لقيت الجيش شابهم يعدوا للميدان وبابص لقيت عيل صغير عدي عليا وقاللي انت مسلم ولا مسيحي وشاف إيديا كان بيبص علي صليب ولما عرف اني مسلم قاللي ماشي هاسيبك. شوية والجيش سكت وماكلمش الناس دي ولا فتح بفه معاهم وبعدين حصل اشتباكات وكنت انا في الصينية مع صاحبي كلمت الناس باقولهم ما ينفعش نخبط في بعضنا والأقباط من حقهم الي بيعملوه ، لقيت الكل عليا وواحد قعد يقوللي ماكيل نبيل ومش عارف مين ، قولتله مايكل نبيل صاحبي علي فكرة ومش مسيحي ، وقعدت افهمهم بس للأسف صوتهم كان عالي وفجأة لقيت واحد تخين كده دخل عليا وضربني بوكس وبيقول عليا مسيحي وكان هايضربني لولا ما واحد قاله اني مسلم مع إني رفضت أور حد البطاقة ورفضت أخلي حد يشوف إيدي .. المهمه اتكلمت مع الناس شوية لحد ما الجيش كان بيخلي الصينية وتقريبا أقنعت واحد ان اللي بيحصل ده ما ينفعش . المسيرة المؤيدة دي كان فيها إسلاميين كتير وكان فيها ناس شكلها مريب جدا جدا وكنت هانضرب وصاحبي في الجرنال الشرطة أخدته لما اعترض الواد اللي كان عايز يضربني .. وقالوله سيبك من الناس دي دولا منافقين … ملحوظات ماسمعتش أي حد مسيحي بيقول كلمة مسلم ومسيحي دي وانا هناك غير ست بتقول لو المسلمين رجالة ينشروا الحاجات تي ، قولتلها انا مسلم والكلام ده هايتنشر في البديل حالا . التليفزيون المصري دعا الناس للنزول عشاي يغطي علي اللي حصل وكان بيكدب كدب الإبل وما شوفتش ولا واحد مصاب من الشرطة ولا الجيش وما شوفتش أي أسلحة مع المتظاهرين خالص ، وكلهم تقريبا كان باين عليهم الإحترام.. ده اللي أنا شوفته وفيه ناس هاتقول انها من جانب واحد بس أنا ما شوفتس حاجة تانية غير كده ولو شفت كنت هاقول بكل حييادية شهادتي خلصت وأرجو انها تكون وضحت بعض النقص في الرؤية عند الناس
أحمد مصطفي
صحفي تحت التدريب بالبديل الإليكتروني
مدوّن وناشط سياسي وعضو إئتلاف الإعلاميين
عضو ب 6 إبريل الجبهة الديمقراطية 10أكتوبر 1:56 (ملحوظة .. باق الفديوهات بالشهادة تم حذفها من اليوتيوب )
Admin المدير العام
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الخميس سبتمبر 27, 2012 3:23 am
مبدئيا لم اكن هناك منذ اللحظه الاولي ولكني حضرت مع اطلاق النار. كان المشهد عباره عن مسيحيين غاضبيين يشاركهم بعض المسلمين الغاضبين ايضا وانا منهم. كعاده المسيحيين يغضبون علي استحياء ومن وقت الي اخر يتدخل احد بلطجيه النظام لتلطيش احدهم علي وجهه بمبداء اضرب المربوط يخاف السايب خلصت الراجل من ايده بالعافيه بعد مادالوا حوالي ٥ او ٦ اقلام
رأيت المدرعات بنفسي وهي تطارد الناس و وتعبر الجزيره الوسطي لكي تنال منهم
رآيت زجاجات تلقي من ماسبيرو حتي كادت احداها ان تصيبني
رآيت البلطجيه المدنيين يحملون عصي حديديه وقاموا بالأعتداء بها علي المتظاهرين حتي النساء لم تسلم من ايديهم
رآيت كيف اثر خطاب التلفزيون المصري علي سكان المنطقه حتي نزلوا من بيوتهم لطرد المسيحيين ولاد الوسخه واحيانا كانت الألفاظ اقسي من هذا بكل انواع السلاح الذي كانوا يستخدموه في اللجان الشعبيه .لجان شعبيه ضد اخواتنا وشركائنا في الوطن
رآيت عساكر الجيش يطلبون من سائقي التاكسي دهس المتظاهرين علي كوبري اكتوبر
رايت احد الماره يسب الدين للبابا شنوده وعندما تدخلت هجم اثنان من البلطجيه احدهم بحجر والاخر بشومه لولا ان احدهم قال لهم اني مسلم لم اكن لاكتب ما اكتبه الان
رايت مسلمين غايه في التعصب ضد قانون دور العباده قلبا وقالبا وعندما دخلت في نقاش اخر تعرضت لما تعرضت له من قبل وانقذني منهم احد الاخوه المسيحيين الذي همس لي في اذني بانه مسيحي وقال لي دعنا نهرب من هنا قبل ان يقتلونا
ذهبت الي التحرير فاذا بقوات الجيش تعيد للاذهان ذكري ٢٨ يناير نفس التخلف والقسوه وعدم احترام ادميه البشر ولن اشرح واطيل فلكنا يعرف ما يمكن ان يحدث .كفي دفنا للرؤوس في الرمال المسيحيين يتعرضون لاقصي انواع الاضطهاد وما شاهدته في الشارع جعلني اشعر اني لا استطيع ان اعيش مع اناس يروني ادني منهم في الحقوق وليس الواجبات واصبحت اعزرهم لطلبهم الحمايه الدوليه .يجب ان يعلم كل فرد علي ارض هذا البلد اننا جميعا شركاء في هذا الوطن ولنا نفس الحقوق والواجبات يشترك فيها المسلم والمسيحي واليهودي وحتي الملحد والكافر .ما حدث اليوم شيء مقزز لانه اظهر الوجه القبيح للدوله والشعب
الدوله لعبت علي وتر الفتنه الطائفيه والشعب استجاب فاظهر سموم الجهل التي تملأ كتب المسلميين منذ القرن الثاني الهجري .اذا كنا نرغب في وطن نحيا فيه في سلام فاما ان نفصل السياسه عن الدين او ان نفتح كتبنا القديمه ونخرج منها بذور التعصب والفتنه.اعيدوا للاسلام ما افقدتموه اياه فالاسلام بريء مما زرعتم في صدور العامه.والله اعلم وادري
كنت متابع تحركات المسيرة من لبني درويش علي تويتر و قلت انضم ليها عند ماسبيرو علي طول لاني كنت جي من مدينة نصر و لاني برضة مكنتش متوقع حاجة زي كدة بس انا كنت طالع في المسيرة علشان الشاب رائ اللي اتسحل من الشرطة في فض الاعتصام يوم الاربعاء الماضي
اتحركت ووصلت الي ميدان رمسيس حوالي الساعة 6و كان الطريق مقفول بعربيات الامن المركزي و ضباط الداخلية والعربيات كلها بتلف نزلت و قلت اكمل علي رجلي لغاية ماسبيرو و انا ماشي في شارع الجلاء ناس في تجمعات واقفة و بيقولو في مسيحين بيموتوا عند ماسبيرو بس مقدرتش اعرف اية اللي بيحصل بالضبط و كنت عمال اكلم الفريد رءوف و لبني و ناس تانية هناك و محدش بيرد خالص
لاحظت ملاحظة في وضوح الشمس انة الشارع في مخبرين كتبر اوي من قبل جرنال الاهرام ..توترت جدا وو ابتديت اجري و انا معدي شوفت واحد واخد رصاصة في رجلة عند مستشفي الجلاء و الناس شايلة بس مكنتش عارف حي و لامطاطي
عند محطة الاسعاف ابتديت اشوف ناس مرعوبة بجد و كلة عمال بيوقلي متروحش هناك في دم كتير و ناس بتعيط اوي و لقيت واحدة قعدة امام القنصلية الايطالية في الاسعاف بتعيت ع الرصيف وعمالة تقول هما بيعملو فينا كدة لية حاولت افهم منها اية اللي حصل كل اللي قالتة ليا اوعي يبني تروح هناك قولتلها انا مسلم و لازم اروح اقف مع اخواتي و صحابي هناك قالتلي و حياة المسيح و العدرا ما تروح طبطبت عليها و كملت
حكايات المدرعة اللي دهست الناس الكل كان بيرويها بدون اي اختلاف في التفاصيل
عند الشارع االي قبل الهيلتون شوفت شوية شباب واقفين بشوم بس بيتفرجوا علي الناس و هي جاية من ماسبيرو
عند المنطقة دي في فوضي عارمة ناس بتجري بناس مصابة و ناس بتصوت و ناس واقفة بعربياتعا من فوق الكوبري ..قلت اخش من شارع رمسيس هيلتون نفسة لانو كان قدامي ناحية الكورنيش و في طلعة اكتوبر من عبد المنعم رياض كان في معرك كتيرة و شايف دخان من هناك و عسكر الامن المركزي بيتحركوا من فوق
اخر الشارع بتاع رمسيس هيلتون الشارع في اخرة كان مقفوول خاص و في ضرب نار حي من عند ماسبيرو الشارع دة كلة محلات اصلا و الناس المصابة بيحاولوا بدخلوهم جوة و في ناس بتساعدهم ….واحدة مسكت فيا و كانت بتدور علي ابنها و مكنتش عارف اعمل اية و شوفت واحد قدامي بحوالي 5 متر وقع فجأة و روحنا علية لقيناة بينزف من فخدة بعد سماع رصاص جاي من اخر عمارة جنب ماسبيرو شيلناة و اناس ورايا بتشيل مصابين و انا شوفت واحد بيضرب رصاص من المبني اللي في اول الشارع الطويل اللي جنب ماسبيرو و كان ضابط داخلية و كان في عربية اسعاف في اخر الشارع امام الفندق الناحية التانية الاسعاف مكنتش عايزة تاخد و بعد خناقات عبثية اخدتة و ناس ركبت معاة و مظهرش عربيات اسعاف تاني خالص
حتي الان حوالي الساعة السابعة كانت الشرطة العسكرية هي المتصدرة المشهد بأكملة و مكنش في اي قنابل او بلطجية
قابلت نوارة نجم عند محل العصير اللي قدام الفندق و الناس كانت اتلمت عليها في الوقت دة الشباب بتوع حركة المصري الحر ابتدوا يجهزوا لعيادة ميدانية عند مكتب الجونة و روحنا جبنا الادوات من صيدلية في الشارع نفسة و فضلت اوجة الناس و ابلغ بمكان العيادة و اللي كان بيقدر يساعد بيساعد
سبتهم شوية و روحت انا و نوارة في اتجاة الكورنيش ووصلنا قدام راديو شاك كدة و شوفنا المدرعة المحروقة و فوي و صوت طلقات رصاص حي و اثار دم مغرق المكان في اللحظة دي ابتدا ضرب القنابل المسيلة للدموع وجرينا شوية كدة لحد باب الهيلتون اللي جنب راديو شاك ابتدا معدل القنابل يزيد و مداها بيوصل لحد ميدان عبد المنعم رياض جرينا تاني من الغاز لحد اول الموقف كدة و هنا بقي الامن المركزي ابتدا يطلع من تحت لفوق عند الكوبري و ابتدا الضرب يوصل لغاية عبد المنعم رياض و الامن المركزي بيرمي طوب و شوفت في الحتة دي رشا عزب و عزة شعبان و لينا مجاهد و كانوا مخنوقين من الغاز جرينا شوية كمان لغاية بعد مكتب الجونة و ابتدت الناس تكسر الرصيف و تشيل طوب و ترمي علي الامن المركزي الي عايز ينول من نزلة الكوبري و وراة بلطجية ظهروا كدة علي الساعة الثامنة و في نفس الوقت مظاهرة اتجمعت و بتهتف ضد المشير و مسلم و مسيحي ايد واحدة و شيخ اتشال و شايل صليب و الناس بتهتف ضد المجلس و المشير و برضة ناس جاية من شارع الهيلتون بيهتفوا
استمر الضرب بالطوب و الغاز في المنطقة دي حوالي نصف ساعة و لاحظت اني مدي قنابل الغاز بيوصل من الكورنيش للميدان نفسة و الناس مخنوقة من الغاز و شوفنا ان في شوية عساكر جيش في منطقة اللي تحت كوبي اكتوبر عند موقف عبد المنعم رياض و مش عارفين هما هييجوا يضربونا و لا هيقفلوا الطريق ويعملوا كردون و لااية
لغاية الوقت دة اللي هو حوالي 8 و نصف كان واضح احنا مين مكنش في تصرفات غريبة و من الوقت دة الجيش تقريبا اختفي من المحيط دة و الامن المركزي تصدر المشهد
تحت ازدياد وطأة الضرب تقهقرنا ورا كمان و شوفنا في اللحظة دي البلطجية طلاعين من الشوارع الجانبية و معاهم اسلحة و مطاوي
و ابتدا ضرب المطاطي من بعيد و اخدت انا و صاحبة نوارة نجم خرزتين في دراعنا بس بسبب بعد المسافة لن نصاب
و المعركة كلها بقت في الوقت دة من البلطجية ومن وراهم الامن المركزي و احنا علي طلعة كوبري اكتوبر من الميدان تقههرنا من الغاز تاني و تالت و رجعنا في اتجاة شارع الجلاء
وقفنا شوية بعد الموقف و في واحد صعيدي كدة جة وورانا انا و نوارة فيديو للجثث ملقية في مدخل العمارة اللي جنب ماسبيرو و كانت كلها مشوهة تماما و واحد صحفي وراني المدرعة وهي بتدوس الاقباط
ملاحظة هنا مهمة اوي مفيش حد خالص كان بيقوول لغاية دلوقتي انو في اقباط بيموتا حد من الجيش و الكلام دة حولينا خالص
ابتدا هنا البلطجية يلوحنا من بعيد بأننا نمشي و ابتدا رمي الطوب منهم و من فوق الكوبري كمان و جريت انا و نوارة و الناس تحت الكوبري احتماءا من الطوب اللي جي من فوق و البلطجية بيجروا ورانا لغاية ما وصلنا للاسعاف
هنا يقي وقنا و اجهنا اليلطجية بالطوب و كنت انا و ناس بنهاجمهم من شارع بولاق بزجاجات و طوب و في مجموعة تانية بتتضرب و وصلت لحد مستشفي الجلاء و تقريبا مانت نورة معاهم لاني سبتعا تحت الكوبري عند القنصلية و انا منت بجيب الطوب من الشارع لقيت ناس بتقول انو الاقباط بيموتوا الجيش بس مكنش حد فيهم شايل سلاح و لا حاجة و كانوا بيتفرجوا علي المعركة و البائعين و المكروباصات في الشارع مشيوا و اليلطجية دخلوا ورانا شارع بولاق حصل كر و فر ما بينا و دخلنا الشارع اللي جنب مبني الكهرباء و خرمنا كدة و طلعنا عند مستشفي الجلاء و لبلطجية مكملوش ورانا
وقفت عند كشك علشان كنت واخد طوبة و جبت مية و هنا ابتدت ناس تكلمني علي اننا نذهب للتحرير بس مكنتش عارف اروح و لا ارجع لاني البلطجية اختفوا فجأة و كانت حوالي الساعة 9 كدة قررت اني اروح اشوف اية االي بيحصل عند ماسبيرو
كلمت علاء سيف لاني عرفت انو اتصاب في بطنة و قالي انو عند ماسبيرو و كان صوتة ضايع قولت لازم اروح اشوف فية اية
هنا بقي قبل عبد المنعم رياض لقيت شوية بلطجية و واحد بجلابية وموقفين عربية سيت و بيضوبوا واحد علشان مسيحي و الناحية التانية البطجية قافلين الملف اللي بيدودي علس شارع نقابة الصحفيين الهم كملت و في الطريق مكنش في غاز تاني و الامن الامركزي اختفي
قابلت علاء عند ماسبيرو و ليليان وجدي ووقفنا شوية مع شوية مشاحنات من مواطنين شرفاء و واحد جة يسألنا هو انتوا 6 ابريل
في تلت عربيات امن مركزي ظهروا عند الهيلتون ناحية ماسبيرو بس مكنش فيهم جنود و افتكرنا انهم هييجوا يدوسونا بس كملنا و روحنا ناحية التحرير لقينا الشرطة العسكرية قافلة مخل التحرير من عند المتحف و شوية ناس واقفين بيهتفوا الشعب يريد و تطبيق شرع اللة و الجيش بيتفرج عليهم
كمية قلق و ثوتر غير طبيعي و ناس تيجي تقولنا امشوا من هنا
لفينا و رجعنا ناحية شارع الاسعاف و قررنا اننا نخش وسط البلد بعد ما عرفنا اننا مش نعرف نخش التحرير من هناك و مشينا في شارع النقابة الشوارع كانت اشبة بيوم 26 و 27 يناير مفيش عربيات و ناش واقفة قاقلة الشوارع و خاصة شارع معروف
بعد وصلنا قرب طلعت حرب كدة اتفقنا علي اننا نتفرق سبت علاء و اختة و مشيت انا و الفريد رءوف و بجد حسيت بالمرارة اكتر من الالم و التعب لما الفريد قالي دي في واحدة محجية نمشي وراها علشان كنا خايفين حد يطلع علينا
روحنا ع الزملك و في الطريق كان في انتشار للبلطجية و لفينا بالتاكسي من شارع السبتية و دخلنا شارع بولاق مرورا بكوبري 15 مايو ثم الزمالك اخيرا
لغاية هنا شهادتي علي احداث ماسبيرو بعد ما روحت علشان اغير كلمتني نوارة و قالتي انهم محتاجين دم في المستشفي
القبطي و اسف هكمل احداث شارع رمسيس و المستشفي القبطي في نوت تاني علشان عايو افصل الشهادتين عن بعض
عدد المساهمات : 6518 نقاط : 9829 تاريخ التسجيل : 16/11/2010 العمر : 66
موضوع: رد: موسوعة .. مجزرة ماسبيروا للأقباط 9 أكتوبر 2011 الخميس سبتمبر 27, 2012 3:45 am
شهادة لبنى درويش
شهادة لبنى درويش
لل يعرفوني مش محتاجة اقدم نفسي، لل ما يعرفونيش، أنا أسمي لبنى درويش، عندي 25 سنة .
أنا هأحكي شهادتي عن أحداث يوم 9 أكتوبر قدام ماسبيرو، علشان لما روحت البيت يوميها و شفت التلفزيون، حسيت أنهم أكيد أكيد كانوا بيتكلموا عن بلد غير بلدنا، و جيش غير جيشنا، و متظاهرين غاضبين مسلحين غيرنا. و لما شفت أصحابي بيقولوا إيه على فاسبوك، كان واضح لي أنهم مش مصدقين كذب التلفزيون المصري، بس ماكنوش برضه عارفين يسمعوا أي رواية مختلفة.
يوم الحد أنا رحت شبرا علشان أطلع مع المسيرة ال طالعة على ماسبيرو من هناك، المسيرة كانت المفروض هتتحرك الساعة 3 و تنضم على الوقفة الصامتة بالشموع قدام ماسبيرو الساعة 5 حدادًا على عنف الجيش الأسبوع السابق ضد المتظاهرين السلميين قادم ماسبيرو ، و طبعًأ للتأكيد على حق كل مصري، بغض النظر عن ديانته، أنه يعيش آمن على حياته، و بيته و مكان عبادته، خاصة بعد أحداث كنيسة ماريناب في أسوان.
وصلت الساعة 3 الضهر، المظاهرة كانت بتتجمع، أعداد كبيرة جدًا، أسر كاملة كتير: أطفال و آباء و جدود مع بعض، صلبان مرفوعة،شباب و شابات لابسين باستسلام مرايل مكتوب عليها “شهيد/ة تحت الطلب”، و هتافات بحرقة بتتسآل ليه المصري لو مسيحي ما يبقاش آمن على كنيسته؟ ليه البوليس و الجيش ما بيحموش الكنايس من التخريب؟ و ليه بعد الثورة لسه النظام بيستخدم نفس أساليب أيام مبارك؟
الهتافات كان فيها عاجبني و فيها مش عاجبني، و لما كنت بأسمع حد بيشتكي من أن في هتافات دينية، كنت بأطلب منه ينضم للمظاهرة، يبين تضامنه و اهتمامه بكل مصري بلا تفريق، و ساعتها الهتافات هتتغير.
بعتت على تويتر الساعة 4:30 :”القسيس المتحدث بيأكد ان المسيرة سلمية و بيحيي المسلمين المتضامنين.” ، بعدها بشوية، الهتاف كان: “يا طنطاوي جيشك فين، حرقوا بيوت المسيحيين، حرقوا كنايس مصريين”،
كنا بنهتف “يا ابن شبرا أنزل من دارك، لسه في مليون مبارك”، “أنزل يا مصري”، و الاعداد فعلاً كانت بتزيد، مسيحيين و مسلمين كانوا بينضموا للمسيرة. أغلب المسلمين ال عدوا علينا في شبرا كانوا بيبينوا تضامنهم، يبتسموا، و يأكدوا على الهتافات، ماحصلش ولا خناقة طائفية صغيرة في شبرا.
أول مشكلة حصلت تحت كوبري شبرا، عدينا من تحت الكوبري عادي، و أول ما وصلنا الناحية التانية لقينا طوب و قزازير بيتحدفوا علينا من شباب صغير في السن فوق الكوبري، و من جوة منطقة عابدين، أنا شخصيًا ما شفتش مين بيحدف. كان في كمان صوت بمب و صواعق كهربائية جاية من نفس الناحية. الراجل ال جنبي زعق في أجري و استخبى، الست ال جنبي ابتدت تصلي و تدعي ربنا يكون عطوف بنا.
ده ال بعته على تويتر وقت :5:35: “المسيرة بيتحدف عليها طوب من فوق الكوبري “
5:43 :“ضرب الطوب وقف من فرق الكوبري و ابتدى من الشارع. “
6:00 : “ضرب طوب و قزاز من جوة عابدين، المسيرة مكملة. “
المعركة استمرت ربع ساعة مثلا، هم بيحدفوا طوب و قزاز و احنا بنرد بشوية طوب. و بعدها المسيرة كملت على ماسبيرو.
تحت كوبري الجلاء، كانت الروح المعنوية للمسيرة عظيمة، هتافات قوية، أغلب الهتافات ذات الطابع الديني اختفت، و أنا شخصيًا كنت سعيدة بس قلقانة، كنت خايفة هيحصل إيه لما نوصل ماسبيرو، و كتبت الساعة 6:04 : “المظاهرة مليانة عواجيز و أطفال، لو حصل عنف هتبقى مأساة.” كنا بنهتف: “يسقط يسقط حكم العسكر، احنا الشعب الخط الأحمر” و “مصر لكل المصريين، أي ملة و أي دين”، “الكنيسة أتحرقت ليه؟ العادلي راجع ولا إيه؟” ساعتها قريت من صديق على تويتر
“about 10 #csf truck full of soldiers park at abd l men3em ryad garage at #tahrir entrance ”
، “حوالي 10 عربيات أمن مركزي محملين بالعساكر راكنين عند جراج عبد المنهم رياض”
ساعتها كنا حوالي 25 ألف شخص، و قربنا من ماسبيرو، جو المسيرة كان عظيم، و للحظة أبتديت أتطمن. قلت أن أكيد الجيش و الأمن ممكن يضربونا في نص الليل، لكن مش مجانين علشان يضربونا و في أطفال مليين المسيرة، و من غير أي داعي. لما قربنا نحود على ماسبيرو، أنا قررت أروح أشوف من الناحية التانية الوضع عامل إيه.
أول ما وصلت لأطراف مبنى ماسبيرو، و قبل ما المسيرة تلحق توصل من الناحية التانية، لقيت الناس بتوع الوقفة بيهتفوا، “مسلم و مسيحي يد واحدة”، و بعدها بحوالي 30 ثانية لقيت صفوف من الأمن المركزي بتجري علينا و هم بيضربوا نار في الهوا، الناس كلها جريت علشان تهرب من الضرب، و الضرب ال كان في الهوا ابتدى يبقى على مستوى جسمنا. جريت لأول الشارع و لفيت أشوف الوضع و ادور على أصحابي الناحية التانية من ماسبيرو على النيل. لقيت ضرب النار مستمر، و الناس كلها بتجري. و عساكر الجيش و الأمن المركزي محاصرينا من كل اتجاه، فوق الكوبري، تحت الكوبري، شارع هيلتون رمسيس و ميدان عبد المنعم رياض. الناس ال معاها أطفال أو ناس كبيرة في السن، باتديت تدور على بعض و تحاول تبعد بعيد عن الخطر. كل الناس كانت مخضوضة جدًا، ماحدش كان مستعد للعنف ده.
الساعة 6:26 قلت على تويتر: “ولاد الكلب بيضربوا نار على مسيرة مليانة أطفال “، 6:32 : “ضرب نار تاني”.
ساعتها كنت بقيت عند هيلتون رمسيس على النيل، و أغلب الناس ال فضلت كانت معي، كنت واقفة في وسط الطريقة باحاول أفهم ال بيحصل، فجأة لقينا ناس بتزعق فينا علشان نطلع على الرصيف، جرينا، لقينا مدرعتين جيش بيرجوا بسرعة جنونية في وسط الشارع ال مليان ناس. الأول افتكرتهم جنود أغبياء و هيموتونا بغباءهم. و بعدين المدرعات ابتدت تجري بسرعة مجنونة رايح جاي في الشارع، تجري في زيج زاج، تشوف مجموعة بتحاول تهرب فتجري وراهم، تطلع فوي الرصيف و تدهس ناس، تشوف ناس الناحية التانية فتحود تدوس عليهم. ماكنتش مصدقة نفسي، كنت مرعوبة. و بعدين المدرعتين بدلوا مع مدرعتين تانيين، عملوا نفس الحاجة ، جري جنوني، دهس للناس، الناس بتجري في كل اتجاه علشان تفادي محاولات الدهس. مجموعة من الناس ، فيهم على الأقل شابين صغيرين خالص، 14/ 15 سنة، كانوا مستخبيين ورا عربية خاصة راكنة في المكان، شفت المدرعة بتجري نحيتهم، بتطلع فوق العربية و تحطمها، و تدوس واحد من المستخبيين، الباقيين جربوا ناحية الأمن المركزي علشان ينجوا بنفسهم.
التلات عربيات جريوا و اختفوا بسرعة، واحدة منهم تباطأت، فالناس اتجمعوا و جريوا وراها بالطوب و هي بتمشي، وقفوها و رموا عليها باقي إشارة مرور مكسورة و مولعة، المدرعة ولعت، و الطوب كمل. أغلب الناس ابتدوا يهتفوا “وقفوا الطوب”. و قعدوا يهتفوا للعسكري علشان ما يخافش “اطلع اطلع اطلع”، كانوا خايفين انهم يتحرق جواها. العسكري أخيرًا طلع و نط، ناس قعدت تضربه، و ناس أكتر قعدت تخلص فيه. العسكري ده كان لسه قاتل أخواتنا، كان لسه طايح فينا كلنا بقلب ميت، لكن الناس قررت ما توسخش إيديها بدم، شفته بيجري في حماية أتنين رجالة كبار في السن.
ساعتها اتحركت ناحية عمارة قدامها مجموعة من الناس، لقيت نفسي واقفة و قدام رجلي جثة. كان صدره مليان خروم من الرصاص، قميصه متقطع من كتير الدم و الرصاص. أتجمدت. لحد ما ولد زقني و قالي ما أقفش كده، و أساعده ننقل الجثمان لمدخل عمارة. دخلت مدخل العمارة، لقيت ناس كتير، و طبيبين بيساعدوا جرحى كتير، و قادمي جثمانين. حطينا الراجل المتخرم بالرصاص جنبهم. واحد تاني كان واخد طلقة في صدره و الدكتور كان بيحاول يدور على نبض و مش لاقي. و جنبهم كان ولد راسه مفعوصة و صدره مطبق من دهس المدرعة. كل المصابين و الجثامين ال شفتهم كانوا لابسين مدني. حاولت أساعد في “المستشفى” ال في بير العمارة و ماكنتش عارفة أعمل حاجة من الخضة. فخرجت. كل الناس برة كانت مذهولة، كنت حاسة أننا في حرب.
بعديها بدقايق كتبت على تويتر، “حسب ال شفته و الشهادات الموثوقة، ال ماتوا ٣” ، ماكنتش متخيلة سوء الوضع.
طلعت عند هيلتون رمسيس أدور على واحدة صاحبتي، كان في ناس كتير، خاصة ستات قد أمي، واقفين يصلوا في وسط الشارع و يطلبوا لنا الرحمة، و فجأة لقيت وابل رصاص بيتضرب علينا من فوق الكوبري، كان في صف طويل من عساكر الجيش بيضربوا علينا، كل الناس جريت، شوية ناس رجعت و واجهت الرصاص بالطوب بشجاعة، شفت في الهرج راجل بيقع برصاصة.
الضرب كمل لمدة و بعدين وقف، و ابتدى ضرب الغاز المسيل، كان خانق جدًا و بيحرق الجلد أكتر من المعتاد. دخلت شارع جانبي أشتري بيبسي علشان الغاز. لقيت ست بتصوت و بتقول “يا رب، مالناش مكان في بلدنا يا رب، يا رب، بتعرفنا أن دينهم ال صح يا رب؟ ، ارحمنا يا رب”. رحت احضنها، لقيتها واقفة و تحت رجلها جوزها مضروب بالرصاص. حاولنا ننقله علشان نوصله الإسعاف، كان بيموت، بيطلع أصوات حشرجة مخيفة، و الدم بيطلع من صدره على دفقات”. اصوات الحشرجة و الدم وقفوا قبل ما نوصل للإسعاف، الراجل بتاع الإسعاف قال لنا أنه مات و أننا لازم نستنى عربية تانية تنقله لأن الأولوية للمصابين ال في وضع خطر. كنت قاعدة حاضنة الست على الأرض و هي بتصوت، و جوزها جنبنا ميت. لحد دلوقت ماعرفش أسمه علشان أروح أعزيها.
طلعت على الشارع الرئيسي و انا مرعوبة، كان ضرب الناس و الغاز مكمل، و من ناحيتنا، ضرب الطوب مكمل. قعدت أعيط على الرصيف شوية. لحد ما واحد صاحبي اسمه محمد شدني من ايدي يجريني من قنبلة غاز اتضربت جنبي. فاكرة الهتاف ال كان جنبي وسط كل ده، “مسلم، مسيحي، يد واحدة”. في وسط المعركة و لما عرفنا نخوف خط أمن مركزي بيضربنا، شاب صغير شفته قبل كده في التحرير، قعد يهتف “الله أكبر” فرحان بأننا بننتصر على العساكر ال بيقتلوا في أخواتنا. واضح أن هو كمان كان من المسيحيين ال التلفزيون المصري كان بيقول عليهم، مسيحي مسلم، و مسلح أعزل، عادي، زي الكنتاكي.
الوضع ده استمر ساعات. و فجأة ظهر من ورانا ظهر مجموعة شباب لابسين هدوم بسيطة و ماسكين سيوف، و بهتفوا بكلام عنصري ضد المسيحيين. بعدين لما اتكلمنا معاهم فهمنا أنهم من بولاق، سمعوا في التلفزيون أن المسحيين مسلحين و بيهاجموا الجيش فنزلوا يدافعوا عن الجيش، واحد منهم قعد يسألنا هو فين سلاح المسيحيين؟
الليلة طويلة، و فضلنا نتضرب نار و نتكهرب عند ماسبيرو و لحد وسط البلد لساعات. ظهروا ناس حقيرة بتقول شعارات “إسلامية” و بتشتم المسيحيين، واحد صاحبنا شافهم نازلين من عربية أمن مركزي. رجعنا لنفس الشغل الوسخ القديم.
أنا دلوقت مش قادرة أكمل حكي.
ال حصل يوم الحد ماكنش له أي علاقة بمواجهات بين مسلمين و مسيحين، ماكنش فتنة، كان ببساطة عنف السلطة ضد متظاهرين سلميين، نفس ال كان بيحصل أيام مبارك. مش بس كده، لكن سلطة مستعدة تستخدم الإعلام علشان تخلي مصريين يضربوا بعض بالكدب، مستعدين يولعوا في البلد.
لكن ال واضح بالنسبة لي هو أن يوم الحد قلب كل الموازين، يوم الحد أثبت أن المجلس العسكري مستعد يضحي بنا كلنا، مسلمين و مسيحيين، و يخلق فتنة من ولا حاجة، و يطلب من مصريين ينزلوا يضربوا مصريين زيهم، لمجرد أنه يحافظ على النظام، ال كنا نريدي إسقاطه، زي ما هو.
يومها سقط شهداء من المتظاهرين لسه مش عارفين عددهم، أقل عدد قالته وزارة الصحة كان 25، أنا شخصيًا شفت 17 جثمان. واحد من الجثامين دول كان شاب أعرفه، اسمه مينا دانيال، مينا كان معرفة من التحرير، ماكناش أصحاب بس كنت أعرفه. مينا كان شاب جدع، يوم معركة الجمل كان أتصاب برصاصة و نجي منها، لكن المرة دي الرصاصة ال جت في صدره و عدت من ضهره قتلته.
مينا الجدع ال كنت بأشوفه في المظاهرات، شفته ميت. ماكنش شبهه
نعم، ما حدث عند ماسبيرو هو مجزرة بكل المقاييس. أكتب وقد عدت لتوى من المستشفى القبطى بعد دخولى إلى المشرحة، ورؤية جثث عرسان السماء، مسيحيين ومسلمين، مسجين على الأرض وأقسم بالله أن على وجوههم ابتسامة، وكأنهم نائمون. حتى الآن ما علمته أن الشهداء تجاوزوا 35 شهيدا قابلين للزيادة.
وصلت إلى ماسبيرو فى تمام الساعة السادسة والنصف، رأيت الدماء تملأ أرض الشارع، والنساء تصرخ، والشباب يحملون -أمواتا أو أحياء على شفا الموت- فى سيارات الإسعاف، وفوارغ الرصاص الحى على الأرض، وفى يد بعض المتظاهرين الصارخين: ده الجيش اللى بيحمينا؟ تقدمت حتى وصلت إلى أول الصفوف فى شارع ساحل الغلال ثم وجدت حركة غريبة باتجاه الكورنيش، فعدت أدراجى لأجد بعض المصابين ينقلون إلى داخل فندق «رمسيس هيلتون»، وتنقل بعض الجثث إلى سيارة الإسعاف، ثم توجهت نحو شارع الكورنيش لأجد سيلا مهولا من القنابل المسيلة للدموع، ظللنا ما بين الكر والفر مع قوات الأمن والجيش حتى ظهرت فجأة مجموعة من «المواطنين الشرفاء» الذين طاردونا إلى شارع رمسيس، سرنا حتى وصلنا إلى ميدان عبد المنعم رياض فوجدنا بعضا من «المواطنين الشرفاء» يلقون بالحجارة على المتظاهرين الذين تفرقوا، بينما المتظاهرون يحاولون إقناعهم بأنهم لم يضربوا الجيش، ثم فجأة، هتف المواطنون الشرفاء: مسلم ومسيحى إيد واحدة، وانضموا إلى التظاهرة وسرنا جميعا إلى ماسبيرو مرة أخرى، هناك تفرق المتظاهرون ما بين هاتفين: «مسلم ومسيحى إيد واحدة»، وما بين هاتفين: «إسلامية إسلامية»، أما قوات الأمن والجيش فكانت تختفى خلف صفوف «المواطنين الشرفاء» الذين لاحظ جميعنا مزاجيتهم وتقلباتهم الانفعالية: «إحنا مش جايين نضربكم، حنضرب إخوتنا؟ إحنا جايين نحمى الجيش.. أصل فيه تلاتة من الجيش ماتوا، التليفزيون بيقول كده». يشهد الله أننى رأيت فى ذلك اليوم أكبر عدد من الجثث فى حياتى، أعداد تفوق أعداد الجثث التى رأيتها فى يوم 28 يناير، إلا أننى لم أر جثة عسكرى واحد، ولم يكن هناك مسلحون بين المدنيين، لا من المتظاهرين، ولا من «المواطنين الشرفاء» الذين اقترب أحدهم منى قائلا: هم فين بقى المسيحيين اللى معاهم سلاح؟ أنا نزلت أحمى الجيش عشان قالوا المسيحيين بيضربوا الجيش بالنار، نزلت لقيت الجيش بيضرب فى الكل، والمسلمين بيضربوا فى بعض، والمسيحيين بيضربوا فى بعض، وماحدش عارف حاجة.. فيه إيه بقى؟
وأشهد الله على ما أقول: لم يكن هناك مسلحون سوى الجيش والشرطة، ولا يمكن بأى حال من الأحوال أن يقتل أى شخص سوى برصاصهم، كما أننى لم أر قناصة، وإن كان الجيش يدعى أنه اعتقل قناصة أطلقوا النار عليه، فليس لدى ما أقوله سوى إجابة المشير التاريخية: هذا احتمال وارد.. لكننى لم أرهم، على الرغم من وجودى فى قلب المعمعة. قلت للمواطن الشريف الذى جاء يحمى الجيش: تحميه من إيه؟ المدرعات داست على الناس، وضربوا رصاص حى والفوارغ موجودة، وبعدين إنت بتدفع لهم مرتبات عشان أنت اللى تنزل تحميهم ولّا المفروض هما اللى يحموك؟ فصمت الرجل وبدت عليه البرجلة.
فوجئنا بمسيرة من المواطنين الشرفاء قادمة من كوبرى أكتوبر بجوار «رمسيس هيلتون»، وهم يهتفون: «إسلامية إسلامية»، و«ارفع راسك فوق إنت مسلم»، يسير خلفهم تشكيل من قوات الأمن المركزى، ويليهم تشكيل من الجيش. أقبل عليهم بعض الشباب، فأمسك أحد عساكر الأمن المركزى بيد شاب ونظر فى يده فوجد صليبا فألقاه نحو المواطنين الشرفاء قائلا: مسيحى… جره المواطنون الشرفاء حتى وصلوا به إلى أول شارع ساحل الغلال وأوسعوه ضربا، فدخلت أنا وإحدى صديقاتى لنذود عنه، وصرخت صديقتى: «هل هذه وصية الرسول فى أخوالكم؟». فلكمها أحد المواطنين الشرفاء فى عينها. تطوع بعض المواطنين الشرفاء الذين صدموا حين لم يجدوا المسيحيين المسلحين الذين حدثهم عنهم التليفزيون، لتخليص المسيحى من أيدى أولئك الذين كادوا يفتكون به. اختلط الحابل بالنابل، فما عدنا نعرف من هم المواطنون الشرفاء، وأين نجد المندسين من أمثالنا. سرنا نحو التحرير لنجد تشكيلات عسكرية متفرقة، كل تشكيل يسير ومعه شيخ يرتدى جلبابا قصيرا، حتى وصلنا إلى الميدان فوجدنا اختلاطا آخر بين المواطنين الشرفاء والمندسين من أمثالنا، حتى سرت أسأل الناس: حضرتك شرفاء ولا مندس زيى؟ ثم فوجئنا بتشكيلات للجيش تطلق الرصاص فى الهواء لتفرغ الصينية بالميدان، ثم اتصل بى أحد الأصدقاء ليخبرنى أن المستشفى القبطى يعانى من نقص فى الدم، فاستقليت التاكسى متوجهة إلى مكان سيارتى لأذهب إلى المستشفى القبطى. وحين سلك التاكسى الطريق فوجئ بمسيرة من المواطنين الشرفاء مسلحة بالهراوات والمولوتوف، فاضطرت صديقتى أن تخرج رأسها من النافذة حتى يرى الشرفاء أنها ترتدى الحجاب… وليست مسيحية!
فى طريقى إلى المستشفى القبطى وجدت رجلا ملتحيا، يرتدى جلبابا قصيرا ويشير إلى الناس ليغيروا طريقهم. سألته عن السبب فأجاب: «النصارى بيضربوا نار على المسلمين!». سلكت طريقا آخر وسألت مواطنا آخر فأجاب: «الناس محاصرة المسيحيين جوه المستشفى». أمال إيه النصارى بيضربوا نار دى؟ «كذاب».. الشيخ التقى الورع الملتحى المتبع لسنة النبى فى مظهره فقط.. كذاب، وشاهد زور، فحين وصلت إلى المستشفى القبطى لم أجد «نصارى» يطلقون أى نيران، وإنما كانوا يحتمون بالمستشفى، بينما يحاصرهم «المواطنون الشرفاء» ويلقون عليهم الحجارة. ذهبت إلى المستشفى القبطى ولم أجد هناك إمكاناً للتبرع بالدم، فاتصلت بمعارفى ليرسلوا إلينا بأكياس الدم. دخلت المشرحة، وشاهدت جثث الشهداء، وتأملت فى وجوههم الناصعة الباسمة (والله العظيم كانت باسمة) ووجدت منهم من خرج مخه من رأسه على أثر دهس المدرعة له، ثم خرجت لأجد أمهات مسيحيات ومسلمات محجبات يبكين أبناءهن. وأخيرا، جاءت مدرعات الجيش وهى تقول: جئنا لنحميكم، وعلى رأس كل مدرعة رجل مدنى ملتحٍ ويحمل مصحفا!
لم يكن بين المتظاهرين المسيحيين أو المسلمين أى مسلحين، لم أر جثة عسكرى، لم يطلق أحد الرصاص على الجيش، وإنما أطلقت قوات الجيش والأمن الرصاص والقنابل المسيلة للدموع على المتظاهرين، بالطبع كان هناك من ألقى بالحجارة على قوات الجيش والأمن حين أطلقوا الرصاص على الناس، حيشنقونا ونسكت لهم يعنى؟ كان من بين «المواطنين الشرفاء» من يعملون لصالح الداخلية ووجوههم معروفة منذ حادثة العباسية، وبعضهم كان بريئا وصدق الإعلام، وحين صدموا بالحقيقة انضموا إلى المتظاهرين. والله على ما أقول شهيد. الله يعلم صدقى، فأنا لا أورط نفسى فى يمين غموس، ولم أعتد الإتيان بشهادة الزور أمام المحاكم.
موضوع: موسوعة .. مجزرة ماسبيروا للأقباط 9 أكتوبر 2011 
الأحد أغسطس 19, 2012 2:51 am
